સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..

કરવો તપ સિદ્ધિનો, આતમની શુદ્ધિનો,

કર્મબંધન તોડવા, તપ નાદ વગાડવો,

સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..

છાયા છે પ્રભુ આદિની, પ્રેરણા છે ગુરુવરની,

દેવ ગુરુની કૃપા ધરી, માંડવું આ તપ રે,

સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..

સત્વશાલી તપ ધારકના, મુખડા મલકાતા રે,

શાસનદેવી પરોક્ષરુપે, આપે સહુને શાતા રે,

જયઘોષ તપનો કરીને મારે, જાવું મોક્ષ દ્વારે,

સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..

અઢળક પુણ્ય પ્રભાવે મારા, તપના ભાવ જાગે રે,

આહાર સંજ્ઞા તોડીને, તપનો ડંકો વાગે રે,

તપ પ્રસંગે આજે હું, આનંદે છલકાવું,

સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..

સિદ્ધશિલ્લા નો છે આધાર, સિદ્ધિતપ એનો પગથાર,

ગુરુ આશિષ નો લઇ સથવાર,

પ્રભુ કૃપા કરશે આ પાર,

સિદ્ધિતપ.. સિદ્ધિતપ.. સિદ્ધિદાયક સિદ્ધિતપ..