શ્રી ચંદ્રપ્રભ જિનપદ સેવા, હેવાએ જે હળિયાજી;

આતમ ગુણ અનુભવથી મલિયા, તે ભવભયથી ટલિયાજી.||૧||

 

દ્રવ્ય સેવ વંદન નમનાદિક, અર્ચન વલી ગુણગ્રામોજી;

ભાવ અભેદ થવાની ઈહા, પરભાવે નિઃકામોજી. ॥२॥

 

ભાવ સેવ અપવાદે નૈગમ, પ્રભુ ગુણને સંકલ્પેજી;

સંગ્રહ સત્તા તુલ્યારોપે, ભેદાભેદ વિકલ્પેજી. ॥3॥

 

વ્યવહારે બહુમાન જ્ઞાન નિજ, ચરણે જિન ગુણ રમણાજી;

પ્રભુ ગુણ આલંબી પરિણામે, ઋજુપદ ધ્યાન સ્મરણાજી.||૪||

 

શબ્દે શુકલ ધ્યાનારોહણ, સમભિરુઢ ગુણ દશમેજી;

બીઅ શુકલ અવિકલ્પ એકત્વે, એવંભૂત તે અમમેજી.||૫||

 

ઉત્સર્ગે સમકિત ગુણ પ્રગટ, નૈગમ પ્રભુતા અંશેજી;

સંગ્રહ આતમ સત્તાલંબી, મુનિ પદ ભાવ પ્રશંસેજી.||૬||

 

ૠજુસૂત્રે જે શ્રેણી પદસ્થે, આત્મશક્તિ પ્રકાશેજી;

યથાખ્યાત પદ શબ્દ શુદ્ધ ધર્મ ઉલ્લાસેજી.||૭||

 

સયોગી અયોગી શૈલેશે, અંતિમ દુગ નય જાણોજી;

સાધનતાએ નિજ ગુણ વ્યક્તિ, તેહ સેવના વખાણોજી.||૮||

 

કારણ ભાવ તેહ અપવાદે, કાર્યરુપ ઉત્સર્ગેજી;

આત્મભાવ તે ભાવ દ્રવ્યપદ, બાહ્ય પ્રવૃત્તિ નિસર્ગેજી.||૯||

 

કારણભાવ પરંપર સેવન, પ્રગટે કારજ ભાવોજી;

કાર્ય સિદ્ધે કારણતા વ્યય, શુચિ પારિણામિક ભાવોજી.||૧૦||

 

પરમ ગુણી સેવન તન્મયતા, નિશ્ચય ધ્યાને ધ્યાવેજી;

શુદ્ધાતમ અનુભવે આસ્વાદી, દેવચંદ્ર’ પદ પાવેજી.||૧૧||