સાહેલાં હે કુંથુ જિનેશ્વર! દેવ, રત્નદીપક અતિ દીપતો હો લાલ;

સાહેલાં હે મુજ મનમાંહે, આવે જે અરિબલ જીપતો હો લાલ.||૧||

 

સાહેલાં હે મીટે તો મોહ અંધકાર, અનુભવ તેજે ઝળહળે હો લાલ;

સાહેલાં હે ધૂમ કષાય ન રખે,

ચરણ ચિત્રામણ નવિ ચલે હો લાલ.||૨||

 

સાહેલાં હે પાત્ર કરે નહિ હેઠ, સૂરજ તેજે નવિ છીપે હો લાલ;

સાહેલાં હે સર્વ તેજનું તેજ, પહેલાંથી વાધે પછે હો લાલ.||૩||

 

સાહેલાં હે જેહ ન સમીરને ગમ્ય, ચંચલતા જે નવિ લહે હો લાલ;

સાહેલાં હે જે સદા છે રમ્ય, પુષ્ટ ગુણે નવિ કૃશ રહે હો લાલ.||૪||

 

સાહેલાં હે પુદ્રલ તેલ ન ખેપ, જેહ ન શુદ્ધ દશા દહે રે લાલ;

સાહેલાં હે શ્રી નયવિજય સુશિષ્ય,

“વાચક યશ” એણી પેરે કહે રે લાલ.||૫||