ભવજલ પાર ઉતાર (૨), શ્રી શંખેશ્વર પાર્શ્વ જિનેશ્વર;

મારો તું એક આધાર… મારો તું એક આધાર…||૧||

 

કાલ અનંતો ભવમાં ભમતાં, ક્યાંય ન આવ્યો આરો;

ધન્ય ઘડી તે મારી આજે, દીઠો તુમ દેદાર, (૩)||૨||

તું વીતરાગી, તું અવિનાશી, તું નિર્બંધી દેવ;

હું રાગી છું પાપી જીવડો, ભમતો ભવ અપાર, (૩)||૩||

આ દુનિયામાં તારા જેવો, કોઈ ન તારણહાર;

વામાનંદન ચંદનની પરે, શીતલ જેની છાય, (૩)||૪||

ભવોભવ તુમ ચરણ સેવા, માંગુ છું દીનદયાલા;

“રંગવિજય” કહે પ્રેમશું રે, વિનંતી એ અવધાર, (૩) શ્રી શં૦।।૫।।