આજ જિનરાજ! મુજ કાજ સિધ્યાં સવે,
તું કૃપાકુંભ જો મુજ તૂઠો;
કલ્પતરુ કામઘટ કામધેનુ મળ્યો,
આંગણે અમીયરસ મેહ વૂઠો.||૧||
વીર તું કુંડપુર નયર ભૂષણ હુઓ,
રાય સિદ્ધાર્થ ત્રિશલા તનુજ જો;
સિંહ લંછન કનક વર્ણ કર સપ્ત તનુ,
તુજ સમો જગતમાં કોઈ ન દૂજો.||૨||
સિંહ પરે એકલો ધીર સંયમ ગ્રહી;
, આયુ બહોંતેર વરસ પૂર્ણ પાળી;
પુરી અપાપાએ નિષ્પાપ શિવવહૂ વર્યો,
તિહાં થકી પર્વ પ્રગટી દિવાળી.||૩||
તુજ ચઉદ મુનિવર મહાસંયમી,
સાહૂણી સહસ છત્રીસ રાજે;
યક્ષ માતંગ સિદ્ધાયિકા વર સૂરી,
સકલ તુજ ભવિકની ભીતિ ભાંજે.||૪||
. તુજ વચનરાગ સુખસાગરે ઝીલતો,
પીલતો મોહ મિથ્યાત્વ વેલી;
આવિયો ભાવિયો ધર્મપથ હું હવે,
દીજિયે પરમપદ હોઈ બેલી.||૫||
સિંહ નિશદીહ જો હૃદયગિરિ મુજ રમે
તું સુગુણ લીહ અવિચલ નિરીહો;
તો કુમત રંગ માતંગના જૂથથ
મુજ નહિ કોઈ લવલેશ બીહો.||૬||
