શ્રી સીમંધર સાહિબા, હું કેમ આવું તુમ પાસ; તુમ વચ્ચે અંતર ઘણું,

મને મલવાની ઘણી હોંશ.

હું તો ભરતને છેડે… હારે.हु०॥१॥

 

હું તો ભરતને છેડલે કાંઈ, પ્રભુજી વિદેહ મોઝાર;

ડુંગર વચ્ચે દરિયા ઘણા કાંઈ, કોશમાં કોશ હજાર. हु०॥२॥

 

પ્રભુ દેતાં હશે દેશના, કાંઈ સાંભળે તિહાંના લોક;

ધન્ય તે ગામ-નગર પુરી, જિહાં વસે છે પુણ્યવંત લોક.હું૦।।૩।।

 

ધન્ય તે શ્રાવક શ્રાવિકા, જે નીરખે તુમ મુખચંદ;

પણ એ મનોરથ અમ તણાં, ક્યારે ફળશે ભાગ્ય અમંદ. હું૦।।૪।।

 

વર્તારો વર્તી જુઓ કાંઈ, જોષીએ માંડ્યા લગન;

ક્યારે સીમંધર ભેટશું, મને લાગી એહ લગન. हु०॥५॥

 

પણ કોઈ નહિ એહવો, જે ભાંજે મનની ભ્રાંત;

પણ અનુભવ મિત્ર કૃપા કરો, તુમ મળવો તિણ એકાંત.હું૦।।૬।।

 

વીતરાગ ભાવે સહી તુમે, વર્તો છે જગનાથ;

મેં જાણ્યું તુમ કહેણથી, હું થયો સ્વામી સનાથ.||૭||

 

પુષ્કલાવતી વિજયે વસો કાંઈ, નયરી પુંડરીગિણી નામ;

સત્યકી નંદન વંદના, અવધારો ગુણના ધામ. कुं०॥८॥

 

શ્રી શ્રેયાંસ નૃપ કુલચંદ ને, રુક્મિણી રાણીનો કંતઃ

વાચક રામવિજય કહે , તુમ ધ્યાને મુજ મન ચિત.||૯||