આજ દેવ અરિહંત નમું, સમરું તારું નામ;

જ્યાં જ્યાં પ્રતિમા જિન તણી, ત્યાં ત્યાં કરું પ્રણામ.||૧||

 

શત્રુંજય શ્રી આદિદેવ, નેમ નમું ગિરનાર;

તારંગે શ્રી અજિતનાથ, આબુ જુહાર.||૨||

 

અષ્ટાપદ ગિરિ ઉપરે, જિન ચોવીશે જોય;

મણીમય મૂરતિ માનશું, ભરતે ભરાવી સોય.||૩||

 

સમ્મેતશિખર તીરથ વડું એ, જિહાં વીશે જિનપાય;

વૈભાર ગિરિવર ઉપરે, શ્રી વીર જિનેસર રાય.||૪||

માંડવગઢનો રાજિયો, નામે દેવ સુપાસ;

“ઋષભ’ કહે જિન સમરતાં, પહોંચે મનની આશ.||૫||