ભાલડાપુર રખાવામણા ર લાલ,

તીરથ અતિ મનોહાર રે સોભાગીલાલ;

યાત્રાળુ આવે ઘણા રે લાલ

, ઉતરવા ભવપાર રે સોભાગીલાલ;

ભીલડીપુર રળિયામણું રે લાલ.||૧||

વામાદેવી નંદનો રે લાલ,

અશ્વસેન કુલ ભાણ રે સોભાગીલાલ;

સ્વર્ગ–મૃત્યુ પાતાલમાં રે લાલ,

જયવંત જસ આણરે સોભાગીલાલ.||૨||

શંખેશ્વર પંચાસરો રે લાલ,

ફલવર્ધિ પ્રભુ પાસ રે સોભાગીલાલ;

વરકાણો જીરાઉલો રે લાલ,

નાકોડા જગનાથ રે સોભાગીલાલ.||૩||

અજાહરા અમીઝરા રે લાલ,

શેરીસા ભગવાનરે સોભાગીલાલ;

સહસ્ત્રફણાને શ્યામળા રે લાલ,

શ્યામ રતન સમવાન રે સોભાગીલાલ.||૪||

 

જગવલ્લભ ચિંતામણિ રે લાલ,

અંતરીક્ષ પ્રભુ નામ રે સોભાગીલાલ;

ત્રિકરણયોગે સેવતા રે લાલ,

પૂરે ઈચ્છિત કામ રે સોભાગીલાલ.||૫||

 

કોકા ને ભાભા પ્રભુ રે લાલ,

સુરજમંડણ દેવરે સોભાગીલાલ;

ગોડીયા જિનવર તણી રે લાલ,

દેવ કરે નિત્ય સેવ રે સોભાગીલાલ.||૬||

 

પ્રહ્લાદન સ્તંભના પ્રભુ રે લાલ,

નવખંડ જિનરાય રે સોભાગીલાલ;

ભીલડીયા જિન નામથી રે લાલ,

જય જયકાર ગવાય રે સોભાગીલાલ.||૭||

 

એમ અનેક અભિધા ધરે રે લાલ,

વામાનંદન દેવ રે સોભાગીલાલ;

સુગતિને મુક્તિ દીયે રે લાલ,

પાસ પ્રભુની સેવરે સોભાગીલાલ.||૮||