ભેટીએ ભેટીએ ભેટીએ રે, મનમોહન જિનવર ભેટીએ રે,

મેટીએ મેટીએ મેટીએ રે, ભેટતા ભવદુઃખ મેટીએ રે.મન૦ ।। ૧ ।।

 

શ્રી શંખેશ્વર પાર્શ્વ જિનેશ્વર,

પૂજી પાતિક મેટીએ રે.મન૦ || ૨ ||

 

જાદવની જરા જાસ ન્હવણથી,

નાઠી એક ચપેટીએ રે.મન૦ ||૩||

 

આશ ધરીને હું પણ આવ્યો,

નિજ કર પીઠ થપેટીએ રે.મન૦ ।। ૪ ।।

 

ત્રણ રતન આપો જ્યું રાખું,

નિજ આતમની પેટીએ રે.મન૦ ||૫ ।।

 

સાહિબ સુરતરુ સરીખો પામી,

ઔર કુણ આગે લેટીએરે. મન૦।।૬।।

“પદ્મવિજય’ કહે તુમરે ચરણસે,

ક્ષણ એક ન રહું છેટીએરે. મન૦ ।।૭।।