ધન્ય ધન્ય ક્ષેત્ર મહાવિદેહજી, ધન્ય પુંડરીગિણી ગામ,

ધન્ય તિહાંના માનવીજી, નિત્ય ઉઠી કરે રે પ્રણામ;

સીમંધરસ્વામી! કહીએ રે હું મહાવિદેહ આવીશ?||૧||

 

જયવંતા જિનવર! કહીએ રે હું તમને વાંદીશ.?

ચાંદલીયા! સંદેશડોજી, કહેજો સીમંધરસ્વામી;

ભરતક્ષેત્રનાં માનવીજી, નિત્ય ઉઠી કરે રે પ્રણામ.||૨||

 

સમવસરણ દેવે રચ્યું તિહાં, ચોસઠ ઇંદ્ર નરેશ;

સોનાતણે સિંહાસન બેઠા, ચામર છત્ર ધરેશ.||૩||

 

ઈંદ્રાણી કાઢે ગહુંલીજી, મોતીના ચોક પૂરેશ;

લળી લળી લિયે લૂંછણાજી, જિનવર દિયે ઉપદેશ.||૪||

 

એહવે સમે મેં સાંભળ્યુંજી, હવે કરવા પચ્ચક્ખાણ;

ઠવણી તિહાં કણેજી, અમૃત વાણી વખાણ.||૫||

 

રાયને વહાલા ઘોડલાજી, વેપારીને વહાલાં છે દામ;

અમને વહાલા સીમંધર સ્વામી, જેમ સીતાને શ્રીરામ. સીમંધર૦||૬||

 

નહિ માંગુ પ્રભુ રાજઋદ્ધિજી, નહી માંગુ અરથ ભંડાર;

હું માંગુ પ્રભુ એટલું જી, તુમ પાસે અવતાર.||૭||

 

દૈવે ન દીધી પાંખડીજી, કેમ કરી આવું હજુર?

મુજરો મારો માનજોજી, પ્રહ ઉગમતે સૂર.||૮||

 

“સમયસુંદર’ની વિનતિજી, માનજો વારંવાર;

બે કર જોડી વિનવુંજી, વિનતડી અવધાર.||૮||