જ્ઞાનાદિક ગુણ સંપદા રે, તુજ અનંત અપાર;

તે સાંભળતાં ઉપની રે, રૂચી તેણે પાર ઉતાર,

અજિત જિન તારજો રે, તારજો દીનદયાળ.||૧||

 

જે જે કારણ જેહનું રે, સામગ્રી સંયોગ;

મળતાં કારજ નિપજે રે, કર્તા તણે પ્રયોગ.||૨||

કાર્યસિદ્ધિ કર્તા વસુ રે, લહિ કારણ સંયોગ;

નિજપદ કારક, પ્રભુ મિલ્યા રે, હોય નિમિત્ત ભોગ.||૩||

 

અજકુલ ગત કેસરી નિજપદ સિંહ નિહાળ;

તિમ પ્રભુ ભક્તે ભવિ લહે રે, આતમ શક્તિ સંભાળ.||૪||

 

કારણ પદ કર્તા પણે રે, કરી આરોપ અભેદ;

નિજ પદ અર્થી પ્રભુ થકી રે, કરે અનેક ઉમેદ.||૫||

 

એહવા પરમાતમ પ્રભુ રે, પરમાનંદ સ્વરુપ;

સ્યાદ્વાદ સત્તા રસી રે, અમલ અખંડ અનૂપ.||૬||

 

આરોપિત સુખ ભ્રમ ટલ્યો રે, ભાસ્યો અવ્યાબાધ;

સમર્યું અભિલાષીપણું રે, કર્તા સાધન સાધ્ય.||૭||

 

ગ્રાહકતા સ્વામિત્વતા રે, વ્યાપક ભોક્તા ભાવ;

કારનતા કારજદસા રે, સકલ ગ્રહુ નિજ ભાવ;||૮||

 

શ્રદ્ધા ભાસન રમણતા રે, દાનાદિક પરિણામ;

સકલ થયા સત્તારસી રે, જિનવર દરિસણ પામ.||૯||

 

તિણે નિર્યામક માહણો રે, વૈદ્ય ગોપ આધાર;

“દેવચંદ્ર’સુખ સાગરું રે, ભાવ ધરમ દાતાર.||૧૦||