હે પ્રભુ હે પ્રભુ, ખુબ ચાહું તને

 આપ દુરે રહો, એ ન ફાવે મને… હે પ્રભુ હે પ્રભુ…

આંખ શ્યામલ પ્રભુ, ને ગુલાબી ગાલ છે.

આભમાં વાદળા, એટલું વ્હાલ છે

નાથ જોવા તને, દેવો પણ થનગને,

આપ દુરે રહો, એ ન ફાવે મને હૈ પ્રભુ હે પ્રભુ…

તારા હોઠે પ્રભુ, સ્મિત એવું વસે,

ફૂલ પણ જોઈને, ખુબ મીઠું હસે

ધૂપ કહે નાથ મને, આપ રાખો કને,

આપ દુરે રહો, એ ન ફાવે મને હૈ પ્રભુ હે પ્રભુ…

તારા શ્વાસોની, સુગંધને માણતા,

એટલે ફૂલ…શરમાઈ રાતા થતા

 કૂલ કહે નાથ અમે, છોડ્યું મધુવનને,

આપ દુરે રહો, એ ન ફાવે મને હે પ્રભુ હે પ્રભુ…