ઓ સંયમ સાધક શુરવીરો… ,O Sanyam Sadhak Shurivaro
ઓ સંયમ સાધક શુરવીરો,તુજ માર્ગ સદા મંગલ હોજો,
કુકર્મો સાથે યુદ્ધ કરી,જય જય મુક્તિ માળા વરજો…
ઓ સંયમ સાધક શુરવીરો…
સંયમ પથ છે કંટક ભર્યો,ઉપસર્ગ પરીષહનો દરિયો,
હૈયામાં હામ ભરી પૂરી(૨),નિજ આત્મ સ્વરૂપે લીન રહેજો…
કુકર્મો સાથે યુદ્ધ કરી,જય જય મુક્તિ માળા વરજો…
ઓ સંયમ સાધક શુરવીરો…
જિન આણ તણું પાલન કરજો,ગુરુ ભક્તિના રસિયા સદા બનજો,
સવિ જીવ પ્રતિ સમભાવ ધરી(૨),તપ ત્યાગ વિરાગે મન ધરજો…
કુકર્મો સાથે યુદ્ધ કરી,જય જય મુક્તિ માળા વરજો…
ઓ સંયમ સાધક શુરવીરો…
જે શ્રધ્દ્ધાથી સંયમ લેતા,તે શ્રધ્ધા જીવન ભર ના મુકતા,
ઈર્ષ્યા નિંદાદીક દોષ ત્યજી(૨),ગુણરત્નોથી જીવન ભરજો…
કુકર્મો સાથે યુદ્ધ કરી,જય જય મુક્તિ માળા વરજો…
ઓ સંયમ સાધક શુરવીરો…
ત્યજી માયા પ્રપંચ ભરી દુનિયા,સહુ સ્વજન સંબંધી સ્વારથીયા ,
ગુરુદેવ તણા ચરણો સેવી(૨),નિર્મળ સંયમ સુખમાં રમજો…
કુકર્મો સાથે યુદ્ધ કરી,જય જય મુક્તિ માળા વરજો…
ઓ સંયમ સાધક શુરવીરો…
Jain Diksha Song
