પદ્મપ્રભ જિન! તુજ મુજ આંતરું રે, કિમ ભાંજે ભગવંત;

કર્મ વિપાકે હો કારણ જોઈને રે, કોઈ કહે મતિમંત.||૧||

 

પયઈ ઠિઈ અણુભાગ પ્રદેશથી રે, મૂલ ઉત્તર બિહું ભેદ;

ઘાતી અઘાતી હો બંધોદય ઉદીરણા રે, સત્તા કર્મ વિછેદ.||૨||

 

કનકોપલવત્ પયડી પુરુષ તણી રે, જોડી અનાદિ સ્વભાવ;

અન્ય સંયોગી જિહાં લગે આતમા રે, સંસારી કહેવાય.||૩||

 

કારણ યોગે હો બાંધે બંધને રે, કારણ મુગતિ મુકાય;

આશ્રવ સંવર નામ અનુક્રમે રે, હેય ઉપાદેય સુણાય.||૪||

 

યુંજનકરણે હો અંતર તુજ પડ્યો રે, ગુણકરણે કરી ભંગ;

ગ્રંથ ઉક્તે કરી પંડિત જન કહ્યો રે, અંતર ભંગ સુઅંગ.||૫||

તુજ મુજ અંતર અંતર ભાંજશે રે, વાજશે મંગલ તૂર;

જીવ સરોવર અતિશય વાધશે રે, “આનંદઘન’ રસપૂર.

॥६॥