રાધા જેવા ફૂલડાં ને, શામલ જેવો રંગ;

આજ તારી આંગીનો કાંઈ, રુડો બન્યો છે રંગ;

પ્યારા પાસજી હો લાલ! દીનદયાળ મુજને નયણે નિહાળ.||૧||

 

જોગીવાડે જાગતો ને, માતો ધિંગડમલ્લ;

શામલો સોહામણો કાંઈ, જીત્યા આઠે મલ્લ.||૨||

 

તું છે મારો સાહિબો ને, હું છું તારો દાસ;

આશા પૂરો દાસની કાંઈ, સાંભળી અરદાસ.||૩||

દેવ સઘળા દીઠાં તેમાં, એક તું અવ્વલ;

લાખેણું છે લટકું તારું, દેખી રીઝે દિલ.||૪||

કોઈ પીરને ને કોઈ નમે રામ

 ‘ઉદયરત્ન’ કહે પ્રભુજી! મારે તુમશું કામ.||૫||