રુડી ને રઢિયાળી રે, વીર તારી દેશના રે…

એ તો ભલી રે યોજનમાં સંભળાય;

સમકિત બીજ આરોપણ થાય.||૧||

 

ષટ્ મહિનાનીરે ભૂખ તરસ શમે રે,

સાકર દ્રાક્ષ તે હારી જાય;

કુમતિ જનના મદ મોડાય.||૨||

 

ચાર નિક્ષેપેરે સાત નયે કરી રે,

માંહે ભલી સપ્તભંગી વિખ્યાત;

નિજ નિજ ભાષાએ સમજાય.||૩||

 

પ્રભુજીને ધ્યાતાં રે શિવપદવી લહેરે,

આતમ ઋદ્ધિનો ભોક્તા થાય;

જ્ઞાનમાં લોકાલોક સમાય.||૪||

 

પ્રભુજી સરીખા દેશક કો નહિ રે,

એમ સહુ જિન ઉત્તમ ગુણ ગાય;

પ્રભુ પદ “પદ્મને’ નિત્ય નિત્ય ધ્યાય.||૫||