સંભવ જિનવર ખુબ બન્યો રે, અવિહડ ધર્મ સનેહ,

દિન દિન તે વધતો અછે રે, કહિ ન હોવે છેહ!

સૌભાગી જિન! મુજ મન તુંહી સહાય;

એ તો બીજા નાવે દાય, હું તો લળી લળી લાગું પાય. ॥१॥

 

દુધમાંહિ જિમ ઘૃત વસ્યું રે, વસ્તુમાંહિ સામર્થ્ય,

તંતુમાંહિ જિમ પટ વસ્યો રે, સૂત્રમાંહિ જિમ અર્થ.||૨||

 

કંચન પારસ પાષાણમાં રે, ચંદનમાં જિમ વાસ;

પૃથ્વીમાંહી જિમ ઔષધી રે, કાર્યો કારણ વાસ.||૩||

 

જિમ સ્યાદ્વાદે નય મિલે રે, જિમ ગુણમાં પર્યાય;

અરણીમાં પાવક વસ્યા રે, જિમ લોકે ષટકાય.||૪||

 

તેણી પરે તું મુજ ચિત્ત વસ્યો રે, સેના માત મલ્હાર;

જો અભેદ બુદ્ધિ મિલે રે, જ્ઞાનવિમલ સુખકાર.||૫||