સરસ્વતી સ્વામીને પાયે લાગું, પ્રણમી સદ્ગુરુ પાયા રે;

ગાઈશું હૈડે હર્ષ ધરીને, શ્રી વર્ધમાન જિનરાયા રે…

મોરા સ્વામી! હો તોરા ચરણ ગ્રહીજે, નરભવ લાહો લીજે રે;

સૌભાગી જિનના ચરણ ગ્રહીજે, વૈરાગી જિનના ચરણ ગ્રહીજે,

ચરણ ગ્રહીજે શરણે રહીજે, નરભવ લ્હાવો લીજે રે.॥੧॥

 

ભારે કર્મી પણ તેં તાર્યા, પાતિકથી ઉગાર્યા રે;

મુજ સરીખા શેં નવિ સંભાર્યા?,

શું ચિત્તથી ઉતાર્યા રે. મોરા૦|| ૨ ||

 

પત્થર પણ કોઈ તીર્થ પ્રભાવે, જલમાં દીસે તરતા રે;

તે અમે તરશું તુમ પાય વળગ્યા, કેમ રાખો છો અળગા રે.||૩||

 

મોરા૦ ।।૩।। મુજ કરણી સામું મત જોજો, નામ સામું તુમે જોજો રે;

સાહિબ સેવકના દુઃખ હરજો, તુમને મંગલ હોજો રે. મોરા૦॥૪॥

 

તરણતારણ તુમે નામ ધરાવો, હું છું ખિજમતગારો રે;

બીજા કોણ આગળ જઈ યાચું?, મોટો નામ તુમારો રે. મોરા૦ ॥૫॥

 

એહ વિનંતીએ સાહિબ તૂક્યા, શ્રી વર્ધમાન જિનરાયા રે;

આપ ખજાના માંહેથી આપો, સમકિત રત્ન સવાયા રે. મોરા૦।।૬।।

 

શ્રીનયવિજય વિબુધ પય સેવક, ‘વાચક યશ’ એમ બોલે રે;

શાસનનાયક શિવસુખ દાયક,

નહીં કોઈ વીરજીની તોલેરે. મોરા૦।।૭।।