સિદ્ધારથના રે નંદન વિનવું, વિનતડી અવધાર;

ભવમંડપમાં રે નાટક નાચિયો, હવે મુજ દાનદેવરાવ…

હવે મુજ પાર ઉતાર…||૧||

 

ત્રણ રતન મુજ આપો તાતજી, જેમ નાવે રે સંતાપ;

દાન દિયંતા રે પ્રભુ કોસર કિસી, આપો પદવીરે આપ.||૨||

 

ચરણ અંગૂઠે રે મેરુ કંપાવિયો, મોડ્યા સુરના રે માન;

અષ્ટ કરમના રે ઝઘડા જીતવા, દીધાં વરસી રે દાન.||૩||

 

શાસનનાયક શિવસુખદાયક, ત્રિશલા કૂખે રતન;

સિદ્ધારથનો વંશ દીપાવિયો, પ્રભુજી તુમે ધન્ય ધન્ય. ||૪||

 

વાચકશેખર કીર્તિવિજય ગુરુ, પામી તાસ પસાય;

ધર્મ તણા એ જિન ચોવીસમાં, “વિનયવિજય” ગુણ ગાય.||૫||