સુમતિનાથ ગુણશું મિલીજી, વાધે મુજ મન પ્રીતિ;

તેલ બિંદુ જિમ વિસ્તરેજી, જળમાંહે ભલી રીતિ,

સૌભાગી જિનશું લાગ્યો અવિહડ રંગ… વૈરાગી જિનશું… ।।૧ ।।

 

સજ્જન્શું જે પ્રીતડીજી, છાની તે ન રખાય;

પરિમલ કસ્તુરી તણોજી, મહી માંહે મહકાય.||૨||

 

આંગળીએ નવિ મેરુ ઢંકાએ, છાબડીએ રવિ તેજ;

અંજલિમાં જિમ ગંગ ન માએ, મુજ મન તિમ પ્રભુ હેજ.||૩||

 

હુઓ છીપે નહિ અધર અરુણ જિમ, ખાતા પાન સુરંગ;

પીવત ભરભર પ્રભુ ગુણ પ્યાલા, તિમ મુજ પ્રેમ અભંગ.||૪||

 

ઢાંકી ઈક્ષુ પરાળશુંજી, ન રહે લહી વિસ્તાર;

‘વાચક યશ’ કહે પ્રભુ તણોજી, તિમ મુજ પ્રેમ પ્રકાર.||૫||