સુણો ચંદાજી ! સીમંધર પરમાતમ પાસે જાજો;

મુજ વિનતડી પ્રેમ ધરીને, એણી પેરે સંભળાવજો. સુણો ચંદાજી…

જે ત્રણ ભુવનનો નાયક છે, જસ ચોસઠ ઈંદ્ર પાયક છે;

નાણ દરીસણ જેહને ક્ષાયક છે. સુણો .. ૧

જેની કંચનવરણી કાયા છે, જસ ધોરી લંછન પાયા છે ;

નગરીનો રાયા છે. સુણો .. ૨

બાર પર્ષદામાંહી બિરાજે છે, જસ ચોત્રીસ અતિશય છાજે છે;

ગુણ પાંત્રીશ વાણીએ ગાજે છે. સુણો .. ૩

ભવિજનને જે પડીબોહે છે, તુમ અધિક શીતલ ગુણ સોહે છે,

રૂપ દેખી ભવિજન મોહે છે. સુણો .. ૪

તુમ સેવા કરવા રસિયો છું, પણ ભારતમાં દુર વાસિયો છું;

મહામોહરાય કર ફસિયો છું. સુણો.. ૫

પણ સાહિબ ચિત્તમાં ધરીયો છે, આણાંખડગ કર ગ્રહિયો છે,

તો કંઇક મુજથી ડરીયો છે. સણો.. ૬

જિન ઉત્તમ પૂંઠ હવે પૂરો, કહે પદ્મવિજય થાઉ શૂરો ;

તો વાઘે મુજ મન અતિ નૂરો. સુણો .. ૭