સ્વામી તુમે કાંઈ કામણ કીધું,

ચિત્તડું ચોરી લીધું;

અમે પણ તુમશું કામણ કરશું,

ભક્તે ગ્રહી મન ઘરમાં ધરશું;

સાહિબા વાસુપૂજ્ય જિણંદા,

મોહના વાસુપૂજ્ય જિણંદા.||૧||

મન ઘરમાં ધરીયા ઘર શોભા,

દેખત નિત્ય રહેશો થિર થોભા;

મન વૈકુંઠ અકુંઠિત ભગતે,

યોગી ભાખે અનુભવ યુક્તે.||૨||

ક્લેશે વાસિત મન સંસાર,

ક્લેશ રહિત મન તે ભવપાર;

જો વિશુદ્ધ મન ઘર તુમે આવ્યા,

તો અમે નવનિધિ રિદ્ધિ પાયા.||૩||

સાત રાજ અળગા જઈ બેઠા,

પણ ભગતે અમ મનમાં હી પેઠા;

અળગાને વળગ્યા જે રહેવું,

તે ભાણા ખડખડ દુઃખ સહેવું.||૪||

 

ધ્યાતા ધ્યેય ધ્યાન ગુણ એકે

 ભેદ છેદ કરશું હવે ટેકે;

ક્ષીર નીર પરે તુમશું મિલશું,

‘વાચક યશ’ કહે હેજે હળશું.||૫||