તાર મુજ તાર મુજ તાર ત્રિભુવન ધણી, પાર ઉતાર સંસાર સ્વામી;

પ્રાણ તું ત્રાણ તું શરણ આધાર તું,

આતમારામ મુજ તુંહી સ્વામી.||૧||

 

તુંહી ચિંતામણિ, તુંહી મુજ સુરતરુ, કામઘટ કામધેનુ વિધાતા;

સકલ સંપત્તિ કરું, વિકટ સંકટ હરું,

પાસ શંખેશ્વરો મુક્તિદાતા.||૨||

 

પુણ્ય ભરપૂર અંકુર મુજ જાગિયો, મુખ નૂર વાધ્યો;

સકલ વાંછિત ફળ્યો, માહરો દિન વળ્યો,

શંખેશ્વરો દેવ લાધ્યો.||૩||

 

મનોહારિણી, ભવજલધિ તારિણી, નિરખત નયન આનંદ હુઓ;

પાર્શ્વ પ્રભુ ભેટિયા પાતિક લેટિયા તાહરે ચરણે જુઓ.||૪||

 

પાસ તું મુજ ધણી, પ્રીતિ મુજ બની ઘણી,

વિબુધવર નયવિજય ગુરુ વખાણી;

મુક્તિપદ આપજો આપ પદ થાપજો,

“જસવિજય” આપનો ભક્ત જાણી.||૫||