તારા નયના રે પ્યાલા, પ્રેમના ભર્યા છે, દયા રસના ભર્યા છે,

અમી છાંટના ભર્યા છે…

તારા નયના રે પ્યાલા, પ્રેમના ભર્યા છે.||૧||

 

જે કોઈ તાહરી નજરે ચઢી આવે,

કારજ તેં સફળ કર્યા છે.||૨||

 

પ્રગટ થઈ પાતાળથી પ્રભુ તેં,

જાદવના દુઃખો દૂર કર્યા છે.||૩||

 

પન્નગપતિ પાવકથી ઉગાર્યો,

જન્મ-મરણ ભય તેહનાં હર્યા છે.||૪||

 

પતિત પાવન શરણાગત વત્સલ,

દરિશન દીઠે મારા ચિત્તડાં ઠર્યા છે.||૫||

 

 

શ્રી શંખેશ્વર પાર્શ્વ જિનેશ્વર,

તુજ પદ પંકજ આજથી ધર્યા છે.||૬||

 

જે કોઈ તુજને ધ્યાને ધ્યાવે,

અમૃત સુખ તેને રંગથી વર્યા છે.||૭||