વિરતીની દુનિયા લાગે છે પ્યારી,

આ ઉપધાનમાં મારી પ્રીત બંધાઈ…

આસ્વાદ મળે છે, અહીં સાધુ જીવનનો,

નિષ્પાપ વહે છે, આ સમય જીવનનો..

મન મસ્ત રહે છે, મન સ્વસ્થ રહે છે,

નિશદિન હૈયામાં, શુભ ભાવ વહે છે..

કણકણમાં આનંદ રહ્યો છલકાઇ… આ ઉપધાનમાં…

સો ખમાસમણ ને, સો કાઉસ્સગ કરતાં,

વીસ નવકારવાળી, મન દઈને ગણતા..

આળસ ત્યજી ને, જે સાધના કરતા,

તેના સહુ પાપો, એકસાથે જલતાં..

સમતાને રંગ રહ્યો આજ રંગાઈ… આ ઉપધાનમાં…

મનજી મગન આ પરિવાર વિનવે, ભોરોલ તીર્થ ને,

પ્રભુ નેમિ કૃપાયે.. રામચંદ્રસૂરિશ્વર,

ગુણ-કીર્તિ ગુરુવર, પામીને અંગઅંગ, ઉત્સાહ લહે છે..

આ દિવ્યપળો માં, રહ્યો આજ ભીંજાઈ… આ ઉપધાનમાં…